العاشقى فرونت-وفيس وبلىستىق پوليتسيا دەپارتامەنتىندە اشىلعان بولاتىن. بۇل قولايلى عيماراتقا ازاماتتار كەلىپ, ارىزدارىن بەرەدى, انىقتامالار الادى. ولاردىڭ ارقايسىسىندا جيىرمادان اسا مەملەكەتتىك قىزمەتتەر كورسەتىلەدى.
اۋداندار مەن قالالاردا جۇمىسىن باستاعان ءار فرونت-وفيستە قولايلى كۇتۋ زالى بار. مىسالى, رۋدنىي قالاسىنداعى فرونت-وفيستە بۇگىنگە دەيىن 1000 مەملەكەتتىك قىزمەت كورسەتىلدى. قوستاناي وبلىستىق پوليتسيا دەپارتامەنتى تىلدى قامتاماسىز ەتۋ باسقارماسىنىڭ باستىعى اناتولي چۋيكونىڭ ايتۋىنشا, مۇنداي قابىلداۋ وفيستەرى ەلباسى جولداۋلارىندا ايتىلعان جوسپارلى سەرۆيستىك مودەلگە وتۋگە جاعداي جاسايدى. جۇمىستى بۇلاي جاڭاشا ۇيىمداستىرۋ ازاماتتاردان تۇسەتىن ارىزداردى قابىلداۋدىڭ مولدىرلىگىن قامتاماسىز ەتەدى. «ازاماتتاردى قابىلداۋ» كەڭسەسىنىڭ تيىمدىلىگىن اكىمشىلىك پوليتسياسى باسقارماسىنىڭ ءبولىم باستىعى ابزال بولاتوۆ ايتتى. وعان كۇن سايىن ونداعان ازاماتتار كەلەدى. فرونت-ءوفيستىڭ ارقاسىندا ازاماتتاردىڭ ارىزىن قابىلداۋ ۋاقىتى 10 مينۋتقا قىسقاردى. مۇنى كەلۋشىلەر دە بايقاپ, جاقسى باعالارىن بەرۋدە.
ءنازيرا جارىمبەت,
«ەگەمەن قازاقستان»
قوستاناي
